如愛他，不必神秘，高聲直說嘛

高聲低聲沙聲嬌聲總之開聲講聲！
高聲低聲沙聲嬌聲總之開聲講聲！

唔知點解，我哋自細都冇乜人鼓勵我哋去表達自己，
我哋習慣咗呢種含蓄美、神秘美，習慣咗收埋自己，
經常同自己玩撲匿匿，就算幾喜歡人哋，硬係唔識講出嚟，
開口就夾住條脷，埋口又夾住條脷。

別客氣，可否別客氣？跟愛人揭秘，說一句極愛你。
如愛他，不必神秘，高聲直說嘛，說一句極愛你。

講聲俾佢知，你對佢幾鐘意，
唔駛等佢估吓估吓，佢都唔係先知。
快啲，冧啲，喂，爽啲，
有嘢唔講，你個口會生痱滋。
你又唔係間諜，使乜保密，
唔係拉鏈，又使乜拉密？
再吞吞吐吐會似粵語殘片嗰疋紮腳布，
咁憂鬱，寧願著鞋唔著襪。
所以話一於就由今天開始（開始），
對你喜歡o既人講聲你對佢哋like（like），
可包括你阿媽，好朋友或者同事，
可加埋阿爸，或情人，同埋妻兒，
唔使怕話唔係幾好意思，
只有木頭公仔先至唔識點樣表達心意，
快啲，張開口，你咪嫌費事，
你對住愛o既人，唔係對住牙醫！

Say say say，說句我愛你，
講勿再客氣，讓你的他歡喜。
Say say say，高聲把愛又提起，
請勿再客氣，若你對他真的歡喜。

高聲低聲沙聲嬌聲總之開聲講聲！
高聲低聲沙聲嬌聲總之開聲講聲！
Tell me what you're thinking！
Give me all your loving！
Give me give me all your love！

高質的流行曲可以傳世，無論隔多久，翻出來仍然新鮮如昨。這首改編歌由鬼才林振強作詞，既有軟硬rap的節奏和神韻，文字又比軟硬自己寫的到題。更難能可貴的是客席女聲王菲。還以王靖雯名號行走江湖的女神剛放洋回港，脫掉土味穿上洋化外衣，嘹亮的聲音替歌曲加添個性。末段單句重複廿多遍的歌詞反複強調愛意必須說出口，其時王菲正出神入化地在音階上遨翔，整段ad-libs為歌曲畫龍點晴，增添了歌曲的經典和可聽性。

〈請勿客氣〉，收錄於軟硬天師1993年專輯《廣播道軟硬殺人事件》。